Иран: Каналите за комуникации со САД остануваат отворени

Каналите за комуникација меѓу Иран и САД остануваат отворени и покрај зголемените стравувања од обновување на војната, изјави портпаролот на иранското Министерство за надворешни работи, Есмаил Багаи. Багаи изјави дека Техеран не ја затворил вратата за дипломатијата и оти преку посредници продолжува размената на пораки меѓу Иран и САД. Во интервју за германски медиум, пренесено од иранските државни медиуми, Багаи рече дека Вашингтон продолжува да инсистира на еднострани барања. Тој посочи дека американскиот претседател Доналд Трамп и други американски претставници повеќепати го користат изразот „целосна капитулација“, што, според него, е неприфатливо за Иранците. Преговорите поврзани со конфликтот се во застој веќе неколку недели. Во меѓувреме, меѓу иранското население растат стравувањата од можно разгорување на војната, воочи претстојните избори во Израел и САД. На прашањето дали планира воен напад врз Иран, Трамп првично одговори дека би било неразумно однапред да ги открива таквите намери.

Краток извадок од изворот. Целиот напис и авторството му припаѓаат на оригиналниот издавач.