Limani: Synojmë bashkimin e strukturave dhe rikthimin e të gjithë atyre që janë larguar nga partia

Shkup, 5 nëntor, Zhurnal.mk – Kryetari i Komunës së Gostivarit, Valbon Limani, ka folur për procesin e bashkimit dhe konsolidimit të Aleancës për Shqiptarët në prag të Kongresit, duke theksuar se prioritet mbetet rikthimi i anëtarëve dhe aktivistëve të larguar nga partia. Ai ka komentuar edhe spekulimet për pozicionimin e tij politik, duke deklaruar se mbetet pjesë e ASH-së, ndërsa ka folur për projektet e realizuara në Gostivar dhe investimet që pritet të nisin në periudhën e ardhshme. Limani bëri të ditur se procesi i përgatitjeve për Kongresin po zhvillohet sipas dinamikës së paraparë, ndërsa tashmë është përmbyllur formimi i pothuajse të gjitha degëve të partisë. Sipas tij, Kongresi pritet të mbahet në fillim të muajit dhjetor, ndërsa data e saktë do të caktohet në ditët në vijim. Duke folur për prioritetet e partisë paralelisht me Kongresin, Limani theksoi se bashkimi i strukturave dhe rikthimi i njerëzve që kanë qenë pjesë e Aleancës duhet të jenë objektivi kryesor politik dhe organizativ.

Краток извадок од изворот. Целиот напис и авторството му припаѓаат на оригиналниот издавач.