Кавај Ленард го пропушта стартот на сезоната

Торонто Репторс ќе мора да се снаоѓа без својата суперѕвезда Кавај Ленард во следните неколку недели. Според Шамс Чаранија од ЕСПН, се очекува Ленард да отсуствува неколку недели поради оток на левото колено. Магнетната резонанца не покажала структурни оштетувања на коленото. Сепак, паузата ќе му овозможи постепено да се врати во посакуваната форма. Ленард учествувал во загревањето на Торонто пред викенд-дуелот против Минесота Тимбервулвс. Сепак, почувствувал проблем со коленото, по што медицинскиот тим на Торонто одлучил да не му дозволи да настапи. Од Репторс соопштија дека Ленард ќе помине низ третмани и рехабилитациска програма за да се намали отокот на левото колено. Ленард во првите два натпревари со Торонто на почетокот на сезоната има просек од 19,5 поени, 7,5 скока, 1,5 асистенции и 3,5 украдени топки по натпревар. Неговата реализација од игра изнесува 32,4 проценти, додека за три поени шутира со 28,6 проценти.

Краток извадок од изворот. Целиот напис и авторството му припаѓаат на оригиналниот издавач.