Вардар одигра храбро против Мелсунген и со реми се прости од ЛШ (ФОТО)

Ракометарите на Вардар ремизираа во последниот натпревар во Лигата на шампионите сезонава одигрувајќи во Скопје 26-26 против Мелсуген. Германскиот состав во Скопје тргна подобро и освен кога беше 3-3 на почетокот, се до самиот финиш првиот дел беше во предност. Сепак, последните од првите 30 минути во „Јане“ му припаднаа на македонскиот шампион кој на крајот успеа на одмор да замине со водство од два разлика (14-12). Второто полувреме донесе максимално изедначена игра, двете екипи по неколку пати се менуваа во водство, а во последните десет минтуи од дуелот избраниците на Чупиќ влегоа со гол предност (23-22).