Вардар и Мелсунген одиграа реми во драматичен меч

Вардар и Мелсунген одиграа исклучително неизвесен натпревар кој заврши нерешено 26-26, македонскиот шампион беше многу блиску до победа, но Германците се спасија во последните секунди. Вардарци одиграа уште еден крајно драматичен натпревар во Лигата на шампионите, по кој можеме да жалиме што не победи македонскиот тим. Мелсунген подобро го почна натпреварот, водеше во првиот дел од првото полувреме, имаше и највисоки три разлика, но како одминуваше времето, вардарци ја најдоа својата игра и почнаа да ја топат предноста на противникот. Македонскиот шампион го сврте резултатот и на одморот замина со водство од 14-12.