Ish-ylli i Liverpoolit kafshohet nga qeni, përfundon në spital me 50 qepje

Ish-mesfushori i Liverpoolit dhe Arsenalit, Jermaine Pennant, është sulmuar nga një qen i racës pastor gjerman teksa shëtiste në një park në veri të Londrës. 43-vjeçari ka marrë 50 qepje, ndërsa në ndihmë i ka ardhur qeni i tij i racës Akita, i cili arriti të largonte kafshën sulmuese. Ngjarja ndodhi javën e kaluar, kur Pennant po shëtiste dy qentë e tij. Në një moment, një pastor gjerman iu vërsul dhe e kafshoi në këmbë, duke mos e lëshuar për disa çaste. Në ndihmë të ish-futbollistit ndërhyri qeni i tij, King, i racës Akita, i cili u përball me pastorin gjerman dhe arriti ta largonte, duke shmangur pasoja edhe më të rënda. Pennant përfundoi me 50 qepje, ndërsa qeni i tij shpëtoi pa dëmtime serioze, përveç një kafshimi të vogël në putër. Përmes një postimi në Instagram, ish-futbollisti rrëfeu momentet e frikshme dhe tregoi se si qeni i tij i doli në mbrojtje.

Pjesë e shkurtër nga burimi. Artikulli i plotë dhe autorësia i përkasin botuesit origjinal.