Veliaj u burgos si administrator, do të dalë si politikan i plagosur

Burgu ka një alkimi të çuditshme. Dikush mund të hyjë në qeli si burrë, por shndërrohet në lepurush. Ka të tjerë që hyjnë në burg si lepurusha dhe dalin jashtë si burra. Rasti i kryetarit të bashkisë së Tiranës nuk është subjekt këtyre dy skajeve. Veliaj po vuan një paraburgim të gjatë, në të cilin e futën si administrator lokal. Administrator të një poli pushteti, forcën, peshën dhe përmasën e të cilës, as ai vetë sa ishte në liri, nuk kishte arritur ta kuptonte dhe ta ushtronte. Gjasat janë që kur të vijë dita që ai të dalë nga qelia, kurdo qoftë dhe sado që të zgjasë kufizimi i lirisë së tij nga ndëshkimi i mundshëm po të gjendet fajtor, Veliaj ka shanse të zbathë tutat e burgut për të veshur kostumin e politikanit. Duke u shndërruar nga administrator lokal, në një politikan të plagosur dhe me gjasë, edhe në administrator të një poli të ri pushteti në të majtë. Mjaftoi një status dykuptimësh urimi për fitoren e Listës Studentore në zgjedhjet në Beograd, që paralelet me Tiranën të bëheshin shumë të dukshme. Dhe që thyerja e tij me Ramën të mos ishte më një teori konspirative dhe kuriozitet vanitoz.

Pjesë e shkurtër nga burimi. Artikulli i plotë dhe autorësia i përkasin botuesit origjinal.