Валах: Важно ни е со победа да ја завршиме Лигата на шампионите

Голманот на Вардар, Милош Валах, беше херојот на црвено-црните во победата над Нант, тој е оптимист во пресрет и на натпреварот против Мелсунген. Вардар во сабота со почеток од 18:45 часот го игра последниот натпревар од Лигата на шампионите, македонскиот тим е без шанси за место во следната фаза, но сите сакаат со победа да се простат од натпреварувањето. „Ова е нашиот последен натпревар во Лигата на шампионите. Знаеме дека повеќе немаме можност за пласман во следната фаза, додека МТ Мелсунген сè уште се бори за продолжување на натпреварувањето“, вели Валах.