Prokuroria e Tiranës nis hetimet për lëndimin në sy të 28-vjeçarit gjatë protestës

Tiranë, 26 tetor, Zhurnal.mk – Prokuroria e Tiranës ka regjistruar kryesisht procedimin penal për dëmtimin e shtetasit E.V. gjatë protestave të zhvilluara në kryeqytet më 24 tetor, si dhe për dyshimet mbi përdorimin joproporcional të forcës nga punonjës të Policisë së Shtetit. Në kuadër të hetimeve janë administruar pamjet filmike të vëna në dispozicion nga Banka e Shqipërisë dhe kartela mjekësore pranë Spitalit Universitar të Traumës. Veprimet hetimore po kryhen në bashkëpunim me Agjencinë e Mbikëqyrjes Policore (AMP). Prokuroria bën të ditur se, po punohet për përcaktimin e mënyrave të komunikimit me autoritetet italiane, me qëllim përcjelljen e një letërporosie drejtpërdrejt pranë tyre.