Кривична пријава за малтретирање на малолетно лице

СВР Штип поднесе кривична пријава против 15-годишник од Штип и А.М. (18) од Струмица, со престој во Штип, поради постоење сомневање за сторени три кривични дела „насилство врз дете“. На 15 септември во Штип, пријавените физички нападнале 15-годишник, при што првопријавениот снимал со мобилен телефон. На 19 септември за време на манифестација во Штип, пријавените повторно го пресретнале 15-годишникот и му упатувале закани. На 17 септември во двор од образовна установа во Штип, пријавените физички нападнале 16-годишник.