„Постојат црвени линии, Црна Гора не може бесконечно да исполнува барања на Хрватска“

Црна Гора нема да може бесконечно да ги исполнува барањата на Хрватска на патот кон полноправно членство во Европската Унија, бидејќи постои државно достоинство и „црвени линии“ кажа не можат да се преминат, изјави лидерот на црногорската Социјалистичката народна партија Владимир Јоковиќ. Црногорската влада неодамна исполни две од барањата на Хрватска – одобри задржување на спомен-плоча во поранешниот логор Морињ и го смени името на базенот во Котор, кој досега го носеше името на Зоран Џими Гопчевиќ. Јоковиќ изјави дека членството во ЕУ е приоритет за црногорската влада, но дека мора да се најде некое компромисно решение за отворените прашања со Хрватска.