Шасивари бара поддршка од Катар за реформите во правосудството

Министерот за правда Јетон Шасивари разговарал со претставникот на Катар за можностите за техничка и финансиска поддршка за реформите во правосудството, како и за продлабочување на соработката меѓу двете земји во борбата против корупцијата и финансискиот криминал. На средбата со вршителот на должноста во Амбасадата на Катар, Рашид бин Саед Ал-Хајарин, Шасивари ја истакнал потребата од воспоставување директни контакти со Министерството за правда на Катар и неговите специјализирани институции. Како што соопшти Министерството за правда, во фокусот на разговорите биле обуката на правните професионалци, борбата против корупцијата и финансискиот криминал, како и дигитализацијата на правосудниот систем.