Србија ден по изборите: се славеше до длабоко во ноќта, „Чациленд“ е минато (ВИДЕО)

Србија денеска се разбуди со нова политичка реалност, по историската победа на Студентска листа на парламентарните избори и признанието на Александар Вучиќ дека неговата партија ги загубила изборите. Прославите низ земјата траеја до раните утрински часови, граѓаните повторно го презедоа Пионирскиот парк во Белград, а Републичката изборна комисија ги објави прелиминарните резултати, според кои студентите освоиле 52,54 отсто од гласовите. Илјадници граѓани останаа на улиците на Белград и неколку часа по полноќ, славејќи го крајот на 14-годишното владеење на Српската напредна странка. Централните градски улици беа исполнети со луѓе и автомобили, се пееше, се играше и се свиреа автомобилски сирени.