Авион во Франкфурт се обиде да полета во погрешна насока

Минатата недела, патнички авион на турската авиокомпанија „Пегасус ерлајнс“ се обиде да полета во погрешна насока на аеродромот во Франкфурт. Германската контрола на летање го опиша инцидентот како исклучително редок. Во вторникот, авион од типот „Ербас А321“, кој требало да лета за Истанбул, почнал да се движи по пистата во погрешна насока. Пилотите го прекинале полетувањето при брзина од приближно 65 километри на час, потврди вчера портпарол на германската контрола на летање (DFS). „Ова не се случува често, особено не во Германија“, изјави портпаролот.