ПРЕСВРТ НА ВРЕМЕТО ВО МАКЕДОНИЈА: До 24 степени, а потоа доаѓаат поројни дождови – еве кога се менува времето

Новата работна недела во Македонија ќе започне со претежно сончево и релативно топло време за овој период од годината, но кон нејзината втора половина се очекува промена на временските услови. Според временската прогноза, во четврток и петок ќе има врнежи од дожд, кои локално ќе бидат поројни и пообилни. Дневните температури во првите денови ќе достигнуваат до 24 степени, додека утрата во одделни места ќе бидат студени, со минимални температури и под нулата. Во вторник, 20 октомври, ќе преовладува претежно сончево време со слаб до умерен ветер од југоисточен правец. Утринските температури ќе се движат од минус 1 до 9 степени, додека максималните дневни ќе достигнат од 17 до 24 степени. Во среда, 21 октомври, времето ќе биде променливо облачно со сончеви периоди, а кон крајот на денот во крајните западни делови ќе има услови за слаб локален дожд. Ќе дува слаб до умерен југоисточен ветер, кој наместа долж Повардарието повремено ќе засилува. Минималните температури ќе се движат од 0 до 10 степени, а максималните од 18 до 23 степени.