Komisioni miraton projektligjin për Byronë, Haxhiu e cilëson antikushtetues

Prishtinë, 26 tetor, Zhurnal.mk – Komisioni për të Drejtat dhe Interesat e Komuniteteve dhe Kthim e ka miratuar me të gjitha votat Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme, duke konstatuar se ai nuk cenon të drejtat dhe interesat e komuniteteve në Kosovë, raporton Ekonomia Online. Megjithatë, deputetja e Aleancës, Teuta Haxhiu, ka shprehur kritika ndaj projektligjit, duke e cilësuar atë antikushtetues dhe duke pretenduar se qeveria nuk ka pasur interes që një ligj i tillë të zbatohet. Zëvendëskryetari i Komisionit, Fahrush Rexhepi, ka thënë se projektligji përmban gjithsej 88 nene dhe 12 amendamente të Komisionit përgjegjës raportues.