Чупиќ: Навивачите заслужуваат да победиме за нив во последниот меч во ЛШ!

Ракометарите на Вардар в среда (18.45 часот) во спортскиот центар „Јане Сандански“ германскиот состав Мелсунген ќе го одиграат својот последен натпревар сезонава во Лигата на шампиони. По неодамнешниот триумф на гостувањето кај Нант, „црвено-црните“ посакуваат победничко збогување со елитното натпреварување, иако за тимот предводен од Роберто Парондо бодовите во Скопје се апсолутно неопходни за задржување на шансите за пласман во ТОП 12 фазата. Тренерот на вардарци, Иван Чупиќ, изрази жалење што екипата ги завршува настапите во ЛШ, истакнувајќи дека иако биле конкурентни со сите, сепак не покажале доволно за прогрес во следната рунда. Фактот што скопскиот состав нема резултатски императив нема да промени ништо во подготовките, бидејќи главниот фокус е да им се приреди победа на навивачите за нивната голема поддршка на претходните средби. Евентуалниот триумф над бундеслигашот треба да претставува јасна порака дека тимот не се откажува и дека салата повторно ќе биде неосвоива тврдина за претстојните предизвици во Лигата на Европа, Регионалната лига и натпреварите од домашното првенство.