Пад на цената на нафтата на светските берзи, денес нова одлука за горивата во Македонија

Цените на нафтата на светските берзи бележат пад поради надежите за смирување на конфликтот меѓу САД и Иран. Во Македонија, денес, 26 октомври, Регулаторната комисија за енергетика (РКЕ) треба да донесе нова одлука за максималните цени на горивата. Според „Ројтерс“, во 5:26 часот по македонско време, нафтата „брент“ поевтинила за 1,89 отсто, на 114,51 долари за барел, додека американската нафта WTI забележала пад од 2,16 отсто, на 101,04 долари за барел. Според последната одлука на РКЕ од 19 октомври, максималната цена на Еуросупер БС-95 изнесува 96 денари за литар, на Еуросупер БС-98 е 98 денари, а на Еуродизел 99 денари. Екстра лесното масло за домаќинство се продава по максимална цена од 110,50 денари за литар.