LibreOffice има 9,4 милиони преземања за осум недели, а годинава веќе ја надмина цела 2025

Фондацијата зад бесплатниот канцелариски пакет признава дека растот е тешко да се објасни, бидејќи преземањата се анонимни The Document Foundation, непрофитната организација зад бесплатниот канцелариски пакет апликации LibreOffice, објави дека пакетот бил преземен 9,4 милиони пати во осумте недели од 24 август до 18 октомври. Тоа е повеќе од милион преземања неделно, а растот започнал со најавата на верзијата 26.8 на 26 август, која засега нема вградена вештачка интелигенција. Пред тоа преземањата биле под милион неделно, иако блиску до таа бројка. Уште во првата недела по објавата на 26.8 беше надминат милион, што фондацијата тогаш го нарече рекорд за прва недела од новата верзија.