Интерпелацијата на Левица за Божиновска денеска пред пратениците

На дневен ред на денешната собраниска седница е и интерпелацијата за работата на министерката за енергетика, рударство и минерални суровини, Сања Божиновска, поднесена од пратениците на Левица. Според нив, зад интерпелацијата стојат задолжувањата на државниот енергетски систем, неиспорачаните резултати во изминатиот период, особено во делот на енергетиката. Пратениците денеска ќе расправаат и за предлогот за избор на член на Судскиот совет, предлог одлуката за именување на член на Републичкиот совет за безбедност на сообраќајот на патиштата, како и предлог одлуката за именување на член на Управниот одбор на Агенцијата за цивилно воздухопловство. На дневен ред е и предлог на законот за изменување и дополнување на Законот за јавните набавки, во второ читање, дополнет предлог на закон за изменување и дополнување на Законот за животната средина, во второ читање и предлог на закон за изменување и дополнување на Законот за приватизација и закуп на градежно земјиште во државна сопственост, во прво читање.