Filipçe pas zgjedhjeve në Serbi: “Ra Orbani, ra Vuçiqi, të gjithë e dimë kush është i radhës”

Kryetari i LSDM-së, Venko Filipçe, përshëndeti fitoren e shpallur të listës studentore në zgjedhjet parlamentare në Serbi, duke e cilësuar atë si historike, ndërsa njëkohësisht dërgoi mesazh për zhvillimet politike në Maqedoni. “Urime qytetarëve të Serbisë për fitoren e madhe historike! Ashtu siç paralajmëruam, pason çlirimi nga strukturat kriminale të pushtetit. Ra Orbani. Ra Vuçiqi. Të gjithë e dimë se kush është i radhës”, shkroi Filipçe në një postim në rrjetet sociale, njofton TS. Me këtë mesazh, lideri i LSDM-së i lidhi ndryshimet politike në Hungari dhe zhvillimet zgjedhore në Serbi me situatën në Maqedoni, duke aluduar për mundësinë e ndryshimit të pushtetit edhe në vend.