Антонели победи во САД, но не стана шампион

Кими Антонели триумфираше на Големата награда на Америка, која се возеше во Остин, Тексас, и ја запиша деветтата победа сезонава. Младиот Италијанец направи уште еден голем чекор кон светската титула, но сè уште не може да ја прослави шампионската круна. За титулата не се поклопија сите потребни резултати по трката во САД, па Антонели ќе мора да почека најмалку до следниот викенд и Големата награда на Мексико. Таму, во случај на победа на Џорџ Расел или Луис Хамилтон, на Италијанецот ќе му биде доволно да заврши најмалку на деветтото место за да ја обезбеди титулата.