Милан ја продолжи црната серија на Удинезе (ВИДЕО)

Милан остана без пораз и во осмото коло откако вечерва на гости ја оправда фаворитската улога против Удинезе со 2-0. Победата Милан ја најави многу рано по само шест минути игра. Модриќ повторно блесна и со една мајсторска асистенција го пронајде Пулишиќ кој на одличен начин ја заврши акцијата и ги доведе „росонерите“ во водство. Тој гол беше и единствен во првото полувреме. Знаеше и Удинезе да се закани во вториот дел, меѓутоа немаше реализација. Точка на натпреварот стави Хачисон по нешто повеќе од еден час игра.