Фестивал „Рута“ во Драмски театар

Во Драмскиот театар во Скопје од 26 до 31 октомври ќе се одржи петтото издание на меѓународниот театарскиот фестивал „Рута“. На сцената „Ристо Стефановски“ во Драмски театар Скопје во тек на фестивалската недела, македонската публика ќе има можност да проследи шест репрезентативни претстави на театрите од регионот. Во фестивалската програма ќе играат претстави и копродукции од сите членки на Регионалната унија на театри. Београдско драмско позориште од Србија, Камерни театар 55 од Сараево, Босна и Херцеговина, од Хрватска гостуваат, Казалиште Улисис во копродукција со театарот САРТР од Сараево, Местно гледалишче Љубљана и Центар за култура од Тиват гостуваат со нивни продукции. Драмски театар Скопје, на 31 октомври ќе го затвори годинашното издание на „Рута“ со изведба на претставата „Љубовта на Федра“.