Жена пријавила физички напад од сопругот

23-годишна жена од Штип пријавила дека била физички нападната од нејзиниот сопруг, со кого била во бракоразводна постапка. Според информациите од МВР, случајот бил пријавен на 23 октомври во 21:10 часот во СВР Штип. Жената пријавила дека физичкиот напад се случил околу 01:00 часот, а како сторител го посочила нејзиниот сопруг Д.Ч. (29) од Штип. Од полицијата информираат дека се преземаат мерки за расчистување и документирање на случајот, по што ќе следува соодветен поднесок.