Ushtarët në Kosovë mund të zëvendësohen, po Amerika?

Për më shumë se dy dekada, prania e ushtarëve amerikanë në Kosovë ka qenë jo vetëm pjesë e misionit paqeruajtës të NATO-s, por edhe një nga garancitë kryesore të sigurisë së vendit, transmeton Radio Evropa e Lirë. Tani, ndërsa Shtetet e Bashkuara rishikojnë angazhimin e tyre ushtarak në Evropë dhe kërkojnë që aleatët evropianë të marrin përgjegjësi më të mëdha për mbrojtjen e kontinentit, pyetjet për të ardhmen e kësaj pranie kanë marrë një rëndësi të re. Në qendër të ndryshimeve është koncepti NATO 3.0, i cili synon një ndarje të re të përgjegjësive mes dy anëve të Atlantikut.