Голеада во Гостивар: Брегалница во 92. минута го расплака Арсими!

Арсими и Брегалница одиграа неверојатен натпревар со седум голови во Гостивар, а на крајот бодовите му припаднаа на гостинскиот тим кој славеше со 4-3 во 11. коло од Првата лига. Арсими постигна гол за водство од 1-0, но набрзо Брегалница израмни преку Стефан Коцев (1-1). Гостите од Штип постигнаа и втор гол преку Иван Глигоров и стигнаа до целосен пресврт (2-1) во 40. минута. Брегалница постигна и трет гол во 52. минута преку Виктор Велкоски, но Арсими не се предаде, па за само пет минути успеа да ја анулира негативата (3-3). Натаниел, сепак, успеа да ги израдува гостите со гол во 92. минута со што им донесе три бодови на тешкото гостување во Гостивар.