Според анкетите, Бугарија за првпат ќе избере претседателка

Бугарите денес гласаат на претседателските избори, додека војната во Украина се прошири на бугарскиот брег на Црно Море. Дури 27 кандидати учествуваат во трката, а според анкетите води вршителката на должноста претседателка Илијана Јотова (61). Нејзин најсериозен ривал е поранешниот привремен премиер Андреј Ѓуров (50). Претседателската функција е претежно церемонијална, но изборите добија на значење по серијата напади со дронови врз трговски бродови по должината на бугарскиот брег на Црно Море, во кои загинаа околу дваесет морнари од различни земји. Тие напади предизвикаа низа осуди од Западот, но и загриженост за ширењето на руско-украинската војна. Затоа бугарската влада побара помош од сојузниците на НАТО за зајакнување на поморската безбедност.