Бугарите слабо излегуваат на гласање: Само околу два процента излезност до 9 часот

Ниска излезност е регистрирана во првите два часа од претседателските избори во Бугарија. Според првичните проценки на социолошките агенции, до 9 часот утрово гласале нешто повеќе од два процента од избирачите, што е значително помал одѕив во споредба со претходните изборни циклуси. Геновева Петрова од агенцијата „Алфа рисрч“, во изјава за Бугарското национално радио (БНР), посочила дека излезноста е пониска не само во споредба со парламентарните избори од април годинава, туку и со првиот круг од претседателските избори во 2021 година. „Во споредба со претходните избори, ова значи навистина значително пониска излезност во овој момент, особено во споредба со изборите што ги имавме во април, но и со првиот круг од последните претседателски избори во 2021 година“, изјавила Петрова.