Kолку заработуваат тренерите на роботи?

Во Кина, сè повеќе луѓе се вработуваат како таканаречени „роботски тренери“, кои вршат секојдневни домашни работи за да ги обучат машините за задачи како што се миење садови, виткање облека и чистење. За оваа работа, тие можат да заработат од 600 до 900 долари месечно, објавува South China Morning Post (SCMP). Работниците носат опрема за следење на движењето, а нивните дејства се снимаат и се претвораат во збирки податоци што се користат за обука на роботи базирани на вештачка интелигенција. Целта е машините да научат да извршуваат задачи во домаќинствата, фабриките и продавниците. Овие типови работни места сè повеќе се рекламираат на кинеските социјални мрежи и платформи за вработување, привлекувајќи ги невработените, младите луѓе кои бараат привремена работа и луѓето на кои им е потребна флексибилна работа.