Шарл Леклер најбрз на првиот тренинг во Мексико

Шарл Леклер и Ферари имаа најдобар старт на викендот за Големата награда на Мексико. Возачот на „Скудерија“ го постави најдоброто време на првиот слободен тренинг, оставајќи ги зад себе болидите на Мерцедес, на сесија каде имаше десет дебитанти кои добија шанса да ги возат болидите на Формула 1. Зад него со заостанување од 0.659 секунди се пласираше лидерот во шампионатот Кими Антонели од Мерцедес, додека третото место му припадна на резервниот возач Фредерик Вести (Мерцедес), кој беше поспор за само една десетинка од тимскиот колега заземајќи го местото на Џорџ Расел. Четврти беше Луис Хамилтон во второто Ферари, а топ 5 го комплетираше Ајуму Иваса кој го возеше болидот на Макс Верстапен во Ред Бул.