Војната на Трамп против Иран веќе ги чини Американците 47 милијарди долари

Војната против Иран досега ги чини американските даночни обврзници околу 47,1 милијарди долари, според новите податоци доставени од Пентагон до Конгресот. Трошоците продолжуваат да растат, а американскиот претседател Доналд Трамп не ја исклучува можноста за нови воени напади врз Иран, пишува Асошиејтед прес. Проценката на американската Централна команда (Центком), која ги надгледува воените операции на Блискиот Исток, ги опфаќа трошоците до 16 октомври. Ова се најновите податоци за трошоците од агресијата на Соединетите Американски Држави и Израел која почна на крајот на февруари оваа година. Воените трошоци на САД се зголемија за дополнителни 3,5 милијарди долари од почетокот на септември. Во тоа време, вкупните трошоци изнесуваа приближно 43,6 милијарди долари, а најновите податоци покажуваат дека финансиските последици од конфликтот продолжуваат да се зголемуваат.