Струга убедлива против Скопје во ПМФЛ

Струга Трим Лум го декласира Скопје со 4-0 во натпреварот од 11. коло на ПМФЛ и привремено се искачи на врвот на табелата. Стружани ја завршија работата уште во првиот дел, кога Бесмир Бојку со атрактивен волеј во 10. минута го отвори резултатот, а Христијан Малески шест минути подоцна зголеми на 2-0. Пред паузата, Хамонд Агамах со удар со глава по половина час игра ја затресе мрежата за убедлива предност од три гола. Конечниот епилог го постави Арби Воша во 58. минута, откако ја искористи несигурноста во одбраната на гостите. Скопје не најде одговор и го запиша осмиот пораз сезонава, останувајќи без победа и на последното место на табелата.