Ако замине Рама, кој би требало да дојде на негово место?

„Рама, поднеси оставка“, е повикот кој веќе околу пет месеци одекнува во Тирана. Но, кого сакаат младите што протестираат наместо него? Тројца млади луѓе интервјуирани од Радио слободна Европа не спомнуваат кандидат за премиер, но бараат поголема одговорност на владата и подобра политичка застапеност, поддржувајќи ги барањата на протестот за техничка влада и реформа на изборниот закон, што би овозможило порамноправна изборна игра. Веќе девет дена протестите со барање за оставка на премиерот Еди Рама ескалираат и се придружени со епизоди на насилство. Рама понуди дијалог, но неговата покана за состанокот беше одбиена.