Shqetësime te Real Madridi: Valverde dhe Arda Güler stërviten veçmas për të dytën ditë radhazi

Real Madridi po përgatitet për ndeshjen e së dielës kundër Racing Santanderit, por dy prej futbollistëve kryesorë të skuadrës, Federico Valverde dhe Arda Güler, vazhdojnë të stërviten veçmas nga pjesa tjetër e ekipit. Sipas gazetës katalanase Sport, të dy lojtarët kanë ndjekur programe individuale për të dytën ditë radhazi pas përballjes me Barcelonën në El Clásico. Situata e dy mesfushorëve ka tërhequr vëmendjen e stafit teknik të Real Madridit, veçanërisht për shkak të kalendarit të ngjeshur që e pret skuadrën gjatë javëve të ardhshme. Të enjten, Valverde dhe Güler zhvilluan stërvitje individuale në qendrën sportive të Valdebebasit, pasi të mërkurën kishin punuar vetëm në palestër.