Штипјанец тешко повреден во судир на мопед и автомобил

Во сообраќајна несреќа на крстосница во Штип, тешко е повреден 37-годишен возач на мопед, информира Министерството за внатрешни работи. Според МВР, несреќата била пријавена на 23 октомври околу 6:40 часот, на крстосницата меѓу улиците „Борис Крајгер“ и „Анте Банина“. Во несреќата учествувале патничко возило „Фолксваген Поло“ со скопски регистарски ознаки, управувано од 63-годишниот К. С. од Кочани, и мопед со штипски регистарски ознаки, управуван од И. К. (37) од Штип. Возачот на мопедот се здобил со тешки телесни повреди, кои му биле констатирани во Клиничката болница во Штип. Увид на местото на несреќата извршила екипа на СВР Штип.