Путин удира на европските фирми, американските ги штеди

Русија го засили притисокот врз европските компании како одговор на поддршката на Европа за Украина, а во голема мера ги поштедува американските фирми додека се обидува да развие деловни врски со Вашингтон, изјавиле за Ројтерс руски претставници и американски бизнисмени. Од 20 компании во странска сопственост кои рускиот претседател Владимир Путин ги ставил под привремена управа од инаугурацијата на Доналд Трамп за претседател на Соединетите Американски Држави во јануари 2025 година, само три се поврзани со САД, додека останатите се контролирани од европски компании, според анализа на официјални податоци од британска агенција. Лице блиско до руските финансиски регулатори кажало дека додека се во тек деловни преговори со Вашингтон, Москва нема интерес да заземе толку цврст став кон американските компании како што има кон европските.