Mucunski udhëhoqi delegacionin qeveritar në shënimin e 23 Tetorit

Ministri i Punëve të Jashtme dhe Tregtisë së Jashtme, Timço Mucunski, sot në Shkup udhëhoqi delegacionin qeveritar që vendosi lule pranë Monumentit të Themeluesve të VMRO-së, me rastin e 23 Tetorit, Ditës së Luftës Revolucionare Maqedonase. Me rastin e festës, ministri Mucunski theksoi se 23 Tetori është një kujtesë për idealet e lirisë, pavarësisë dhe shtetformimit, si dhe një ditë respekti ndaj brezave që trasuan rrugën drejt shtetit bashkëkohor maqedonas. “Obligimi ynë është t’i ruajmë këto ideale me dinjitet dhe të ndërtojmë një shtet të fortë, të qëndrueshëm dhe të respektuar ndërkombëtarisht, duke e udhëhequr me përgjegjësi drejt përparimit dhe arritjeve të reja”, porositi Mucunski.