Кристијано Роналдо стана единствениот фудбалер со богатство над две милијарди долари

Кристијано Роналдо го надмина финансискиот успех на многу спортски ѕвезди, а според најновите процени, неговото богатство надминало две милијарди долари. Португалскиот фудбалер така се издвојува како единствен фудбалер со богатство од вакви размери. Роналдо одамна го надмина статусот на врвен фудбалер и еден од најплатените спортисти во светот. Во текот на кариерата изгради глобален бренд што му носи приходи од фудбалот, спонзорствата, инвестициите и различните деловни активности. Значаен дел од неговата заработка доаѓа од ангажманот во саудискиот клуб Ал-Наср. Во јуни 2025 година, тој го продолжи договорот со клубот, а според медиумските информации, неговата вредност надминува 400 милиони долари.