Çdo vit rreth 30 të vdekur dhe 2 mijë të lënduar në vendet e punës, Peshevski kërkon kontrolle më rigoroze

Rreth 20-30 persona humbin jetën në vendin e punës çdo vit kurse 2000 persona mbeten të lënduar. Punëdhënësit sigurimin shëndetësor e shofin akoma si harxhim dhe jo si investim ndaj sigurisë së vendit të tyre të punës. Sipas Ivan Peshevski-t, sektoret më të prekura nga ky problem janë bujqësia dhe ndërtimtaria. “Nuk është një problem i ri, nuk është që 5 vite por një problem që vazhdon prej 30 vitesh, që nga krijimi i shtetit tonë. Gjithnjë e më shumë kemi sëmundje profesionale që nuk evidentohen dhe nuk regjistrohen, si dhe gjithnjë e më shumë viktima në vendet e punës. Në fund, punëtorët përfundojnë duke u fajësuar, sepse nuk kanë mundësi të mbrohen”, tha Ivan Peshevski- nën-kryetar i lidhjes së sindikatave. Kontrollet ndaj punëdhënësve duhet të jenë shume më rigoroze, për shkak se çdo vit gjithnjë e më shumë persona lëndohen në vendet e punës dhe nuk marrin kompenzim, thonw nga lidhja e sindikatave.