Шефицата на Радиотелевизија Србија даде оставка

Мања Грчиќ поднесе оставка од функцијата главна директорка на Радиотелевизија Србија (РТС), пренесуваат српските медиуми. Таа поднесе оставка денес околу 17:30 часот по разгледувањето на моменталните околности во кои функционира јавниот сервис. Таа оцени дека најважно за таа институција е да се обезбеди непречено продолжување на работата. Во својата оставка таа наведе дека очекува Управниот одбор навремено да ги преземе потребните чекори во рамки на своите законски овластувања со цел да се обезбеди континуитет на управувањето и да се изврши примопредавањето на должностите во согласност со законот.