ЕУ се откажува од придружното членство на Канада

Членките на Европската Унија се откажаа од предлогот да ѝ се понуди на Канада статус на „придружна членка“. Наместо тоа, во најновиот нацрт на заедничката изјава пред самитот ЕУ-Канада се спомнува „сè потесна соработка“, според документ во кој имал увид Политико. На спомнување на придружното членство во заедничката изјава, која треба да се објави во Монтреал, му се спротивставија група земји предводени од Германија, Франција и Грција. Ова го потврдија дипломатски извори. Идејата за придружно членство првпат ја презентираше претседателката на Европската комисија Урсула фон дер Лаен во нејзиниот говор за состојбата на Унијата во септември, што ги изненади некои земји членки. Првичната верзија на нацртот предвидуваше дека ЕУ и Канада „ќе работат на дефинирање на концептот на придружна членка до самитот во 2027 година“. Целта беше да се „одразат заедничките напори за постигнување цели како што се просперитет, економска безбедност и стратешка автономија преку уште потесна соработка“.