“E nxorën nëpër studio, tash po e hedhin nën autobus”, Gjini i del në mbrojtje Përparim Grudës

Kryetari i Aleancës, Ardian Gjini, ka kritikuar zhvillimet rreth Ligjit për Dhomat e Specializuara, duke i dalë në mbrojtje deputetit të PDK-së, Përparim Gruda. Në emisionin “Context” në ATV, Gjini tha se Aleanca e kishte mbështetur sinqerisht ligjin, por sipas tij, zhvillimet e fundit tregojnë se çështja nuk është trajtuar as në aspektin taktik, as në atë strategjik. “Kjo që ka ndodhur me të vërtetë është e turpshme. As taktikisht, si çështje ligjore, as strategjikisht, nuk ka kurrfarë lidhjeje me atë që të paktën ne si Aleancë e kemi marrë shumë sinqerisht”, u shpreh Gjini.