Путин: Маск е гениј, во контакт сме со него околу сателитските констелации

Рускиот претседател Владимир Путин денеска изјави дека Русија е во контакт со американскиот милијардер Илон Маск околу сателитските констелации во ниската земјина орбита – групи од повеќе сателити кои заедно работат во координирани орбити, и покрај сите политички прашања. – Илон Маск е индустриски гениј, во орбитата има повеќе од 5.000 сателити. Во близок контакт сме со нашите американски партнери, вклучително и со господинот Маск – рече Путин за време на обиколката на изложбата на маргините на самитот „Русија – Африка“. Путин истакна дека лансирањето сателити во орбитата „бара ред и дисциплина“.