Mozilla работи на мал лебдечки прозорец, читање на глас и режим без интернет за Firefox

Компанијата не дава рокови за новите функции, а издвои и пет помали новости што веќе стигнаа Mozilla во нова објава на блогот ги издвои функциите на кои работи за Firefox, од јавниот план за развој што го објави во јуни. Објавата доаѓа месец откако Firefox го доби новиот изглед со вратениот компактен режим. Најинтересна новина е Mini Window, со која цел „таб“ или само дел од страница ќе може да се „извади“ во мал прозорец што лебди над другите. Според Mozilla, корисно е за рецепт или упатство што треба да остане пред очи.