Lista e Përbashkët Arabe i shtrin dorën bllokut të Eisenkotit për të rrëzuar qeverinë e Netanyahut

Deputeti arab në Parlamentin e Izraelit dhe kreu i bllokut parlamentar Lista e Përbashkët Arabe, Ahmad Tibi tha se blloku po i shtrin dorën “bllokut të ndryshimit” për të rrëzuar qeverinë e Benjamin Netanyahut, transmeton Anadolu. “Blloku i ndryshimit” është një aleancë opozitare që synon të zëvendësojë qeverinë e kryeministrit Netanyahu. Në të bëjnë pjesë partia Yashar e ish-shefit të ushtrisë Gadi Eisenkot, Yesh Atid e Yair Lapidit, Demokratët e Yair Golanit, Beyachad e Naftali Bennettit dhe Yisrael Beiteinu e Avigdor Liebermanit. “Pjesëmarrja masive e qytetarëve arabë është arritje historike për Listën e Përbashkët, e cila iu përgjigj thirrjes së publikut për unitet dhe dëshmoi se është një forcë vendimtare, pa të cilën ndryshimi është i pamundur”, tha Tibi në një deklaratë me shkrim të siguruar nga Anadolu.