Над 276 евра за мегават-час во дневните часови на унгарската берза

Електричната енергија на регионалните берзи и натаму се продава по високи цени, а податоците за 22 октомври покажуваат дека македонскиот пазар бележи пониска просечна цена во споредба со унгарскиот. На берзата HUPX мегават-час чинел 263,22 евра, додека на МЕМО просечната цена изнесувала 249,48 евра. Според дневниот извештај на „Енерџи деливери солушнс“, разликата меѓу двете берзи била 13,74 евра за мегават-час. Поголем јаз е забележан во периодот од 9 до 15 часот. Тогаш цената на унгарската берза се искачила на 276,62 евра за мегават-час, додека на македонската изнесувала 225,01 евро. Така, струјата на HUPX во овој период била поскапа за 51,61 евро.