Tarran: Mungon dialogu, dhuna nuk është pjesë e demokracisë

Tiranë, 28 tetor, Zhurnal.mk – Ambasadori i OSBE-së në Shqipëri, Michel Tarran, ka theksuar rëndësinë e dialogut dhe të pjesëmarrjes qytetare në jetën publike, në një reagim lidhur me protestat e zhvilluara në Tiranë gjatë javëve të fundit. Në një prononcim për mediet nga Elbasani, Tarran u shpreh se dhuna nuk është pjesë e demokracisë. “Ajo që kam vënë re gjatë javëve apo muajve të fundit është mungesa e dialogut. Njerëzit kanë përshtypjen se zëri i tyre nuk dëgjohet dhe se mendimi i tyre nuk merret në konsideratë”, deklaroi ambasadori.