Me rishikimin e buxhetit shkurtohen mjetet për impiantin e trajtimit të ujërave të zeza në Shkup

Me rishikimin e buxhetit janë shkurtuar një pjesë e mjeteve që vendi i ka në kuadër të linjës kreditore të Bankës Evropiane të Investimeve, të dedikuara për impiantin e trajtimit të ujërave të zeza në Shkup, transmeton Portalb.mk. Megjithatë, kjo nuk do të thotë se nuk ka mjete për impiantin, siguron ministri Muhamet Hoxha. “Të gjitha mjetet që duhet t’i paguajmë deri në fund të këtij viti i kemi në dispozicion në Ministrinë e Mjedisit Jetësor dhe Planifikimit Hapësinor, përkatësisht në buxhetin e ministrisë sonë”, tha ai.