Допирот на куче може да ве заштити од стрес што допрва доаѓа

Ново истражување на Универзитетот во Инсбрук покажа дека физичкиот контакт со куче можеби не помага само во закрепнувањето од стрес, туку може да ја ублажи и телесната реакција на стресот што допрва треба да се случи. Нашите домашни миленици не се само извор на друштво и наклонетост. Многу истражувања веќе покажаа дека контактот со животни може позитивно да влијае на нашето здравје и благосостојба. На пример, галењето куче или мачка е поврзано со намалување на нивото на хормоните на стрес, а одредени ефекти од таков контакт можат да се забележат дури и во мозокот, пренесува РТС. Сепак, сè уште не е целосно јасно на кој начин се остваруваат овие позитивни ефекти.